Ղարաբաղցու կերպարը բնորոշող տիկնիկների ցուցահանդես
Այսօր Ստեփանակերտի մշակույթի եւ երիտասարդության պալատում տեղի ունեցավ ղարաբաղցու կերպարը բնորոշող տիկնիկների մրցույթ-փառատոնի աշխատանքների ցուցահանդեսը, որը նախաձեռնել է մշակույթի եւ երիտասարդության հարցերի նախարարությունը:
Նախարարության տվյալներով, փառատոնին մասնակցում էին Ստեփանակերտից եւ հանրապետության տարբեր շրջաններից: Հաղթողները նախարարության կողմից պարգեւատրվեցին վկայագրերով եւ դրամական պարգեւով. Առաջին եւ երկրորդ տեղերը գրավեցին Անուշ Մարտիրոսյանը եւ Գոհար Խաչատրյանը` Ստեփանակերտից, իսկ երրորդ տեղը զբաղեցրեց Կարինե Գրիգորյանը` Շահումյանի շրջանի Դադիվանք գյուղից: Մշակույթի եւ երիտասարդության հարցերի նախարար Նարինե Աղաբալյանի խոսքերով, փառատոնը սկիզբն է արվեստի թանգարանի ստեղծման:
«Հետքի» հետ զրույցում նա նշեց, որ այժմ նախնական աշխատանքներն են ընթանում արվեստի ժառանգության պահպանման ուղղությամբ: Փորձ է արվում հավաքել բոլոր աշխատանքները, այդ թվում նաեւ` անհատական հավաքածուները, որից հետո դրանք կներկայացվեն թանգարանում:
Մեկնաբանել