Տեսանյութեր
Լուսանկարներ
«Յուրաքանչյուր գիտության սկզբնակետը գիրքն է»
Կալկաթայում (Հնդկաստան)` Մայր Աթոռ Սուրբ Էջմիածնի Հայոց մարդասիրական ճեմարանում այսօր հնդկահայոց հոգևոր հովիվ և ճեմարանի կառավարիչ Հոգեշնորհ Տ. Խորեն աբղ. Հովհաննիսյանի նախաձեռնությամբ կազմակերպվել է գրքի ցուցահանդես:
Ցուցահանդեսի հեղինակը ամերիկյան «Սխոլաստիկ» կազմակերպությունն է, որի առաքելությունն է 21-րդ դարում հասարակության մեջ սեր արթնացնել գրքի ու ընթերցանության հանդեպ:
Ցուցահանդեսի բացման արարողությունից հետո Հայր Խորենը, կարևորելով գրքի դերը մարդու կյանքում, մեջբերել է Ստեֆան Ցվայգի այն խոսքը, թե գիրքն ամեն մի գիտելիքի սկիզբն ու վերջն է, յուրաքանչյուր գիտության սկզբնակետը, և հորդորել է իր սաներին առավել շատ կարդալ ու գտնել գրքերում իրենց հուզող բոլոր հարցերի պատասխանները:
Ցուցահանդեսի տաղավարներում ցուցադրվել են բազմաբովանդակ գրքեր, գեղարվեստական գրականություն, մասնագիտական գրքեր, դպրոցական դասագրքեր:
Ցուցահանդեսը կտևի երկու օր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել