«Հետքի»` նախագահական նստավայրի աղբյուրը հաղորդում է, որ Տրանսպորտի եւ կապի նախարար Գուրգեն Սարգսյանի եւ Արտակարգ իրավիճակների նախարար Մհեր Շահգելդյանի պաշտոնանկության լուրը հավաստի է, թեեւ կառավարությունը դեռեւս պաշտոնական տեղեկություն չի ստացել այդ մասին: Երկու նախարարական պորտֆելներն էլ Ազգային Ժողովի «Օրինաց երկիր» խմբակցությանն են պատկանում: ՕԵԿ մամուլի քարտուղար Սուսաննա Աբրահամյանը «Հետքին» ասաց, որ քիչ անց պաշտոնական տեղեկություն կտարածեն նախարարների պաշտոններից ազատվելու վերաբերյալ, իսկ կուսակցության ղեկավար Արթուր Բաղդասարյանը պատրաստվում է վաղն ասուլիս հրավիրել: