Մարտի 17-ին, ոստիկանության Էրեբունու բաժնում ահազանգ է ստացվել, որ Արցախի փողոցի թիվ 69/ա շենքի մոտ ընկեցիկ երեխա են գտել: Դեպքի վայր մեկնած օպերատիվ խումբը նշված շենքի ճանապարհամերձ հատվածում հայտնաբերել է մոտ 1 տարեկան արական սեռի երեխա: Արտաքին զննությամբ երեխայի վրա վնասվածքներ չեն հայտնաբերվել: Երեխան տեղափոխվել է «Սուրբ Աստվածամայր» բժշկական կենտրոն: Կատարվում է նախաքննություն: Այս հայտնում է ոստիկանության մամլո ծառայությունը: