Ոլորտի կարգավորման օրենսդրական ու պետական առավել ճկուն մեխանիզմներ են պետք 2009 թ. ընթացքում Կազմակերպված հանցավորության դեմ պայքարի գլխավոր վարչության մտավոր սեփականության ոլորտում կատարվող հանցագործությունների բաժնի աշխատակիցների ձեռնարկած միջոցառումների արդյունքում հեղինակային և հարակից իրավունքների խախտման 46 նյութ է նախապատրաստվել: Դրանցով 31 դեպք բացահայտվել է, որոնք եղել են ալկոհոլային կեղծ խմիչք պատրաստելու և իրացնելու, պոռնկագրական նյութեր կամ առարկաներ տարածելու, խարդախության, ակցիզային դրոշմանիշեր կեղծելու կամ իրացնելու և հարակից իրավունքներ խախտելու, ապրանքային նշանն ապօրինի օգտագործելու հատկանիշներով: Ապրանքային նշանի ապօրինի օգտագործման վերաբերյալ նախապատրաստված 7 նյութ ուղարկվել է պատկան մարմիններ` թաղապետարաններ, պետեկամուտների կոմիտե, սպառողների շահերի պաշտպանության պետական տեսչության և այլն: ՀՀ ոստիկանության կայքը նշում է, հեղինակային և հարակից իրավունքներն աշխարհի բոլոր զարգացած երկրներում պաշտպանվում են օրենքով, սակայն ինչպես ամբողջ աշխարհում, այնպես էլ Հայաստանում ոլորտը լիարժեք պաշտպանված չէ, և հաճախ ոտնահարվում են հեղինակային և հարակից իրավունքները: Ըստ կայքի` առկա է ոլորտի կարգավորման առանձնահատուկ, առավել ճկուն մեխանիզմների ստեղծման խնդիրը, ինչն արդեն ինչպես օրենսդրական, այնպես էլ պետական կարգավորման դաշտում է: «ՀՀ ոստիկանության կողմից մտավոր սեփականության ոլորտում կատարվող հանցագործությունների դեմ պայքարի պրակտիկան ցույց է տալիս, որ ձեռքբերումներն առավել առարկայական, շոշափելի կլինեն ՀՀ քրեական և վարչական իրավախախտումների վերաբերյալ օրենսգրքերում որոշակի փոփոխություններ և լրացումներ կատարելու դեպքում»,- նշվում է ոստիկանության կայքը: