Երեկ Ամասիա-Գյումրի ավտոճանապարհի 2-րդ կմ-ում տեղի է ունեցել փլուզում: Դեպքի վայր է մեկնել Ամասիայի հրշեջ-փրկարարական ջոկատի օպերատիվ խումբը: Պարզվել է, որ փլուզման արդյունքում առաջացել է մոտ 20 մ երկարությամբ, 3 մ լայնությամբ եւ 30 մ խորությամբ փոս: Արտակարգ ալիքը հաղորդում է, որ ճանապարհի տվյալ հատվածում կա մեկ ավտոմեքենայի երթեւեկության հնարավորություն, սակայն ասֆալտի վրա առկա են ճաքեր, եւ կա նաեւ այդ հատվածի փլուզման վտանգ: Դեպքի մասին տեղյակ է պահվել Շիրակի մարզպետարանը: