Վարչապետ Տիգրան Սարգսյանն այսօր ընդունել է Համաշխարհային բանկի Զարգացման Քաղաքականության Վարկային Ծրագրի առաքելության խմբի անդամներին` ղեկավար Պեդրո Ռոդրիգեսի եւ Համաշխարհային բանկի երեւանյան գրասենյակի ղեկավար Արիստոմենե Վարուդակիսի գլխավորությամբ։ Կառավարության մամլո ծառայության փոխանցմամբ` հանդիպման ընթացքում քննարկվել են ընդհանուր հետաքրքրություն ներկայացնող մի շարք հարցեր Կառավարության եւ Համաշխարհային բանկի միջեւ փոխհամագործակցության հետագա ընդլայնման եւ համատեղ ծրագրերի իրականացման վերաբերյալ։