Մարտի 21-ին` գիշերվա ժամը 01.30-ի սահմաններում, անհայտ մակնիշի և պետհամարանիշի ավտոմեքենայի վարորդը Մյասնիկյան պողոտայում` Ջրաշխարհի ճանապարհահատվածում, վրաերթի է ենթարկել մի քաղաքացու, ով տեղում մահացել է: Վարորդը, թողնելով պատահարի վայրը, դիմել է փախուստի: ՀՀ ոստիկանությունը դեպքի ականատեսներին խնդրում է դիմել Ճանապարհային ոստիկանություն. հասցեն` Ծովակալ Իսակովի պողոտա 9, կամ զանգահարել 58-48-01, 58-18-13 հեռախոսահամարներով: Տեղեկություններ տրամադրող անձի գաղտնիությունը երաշխավորվում է: