Հիմա էլ հայկական կողմը չի համաձայնում
Երեկ ԼՂՀ նախագահ Բակո Սահակյանի հետ հանդիպումից հետո ԵԱՀԿ Մինսկի խմբի համանախագահները ճեպազրույց են տվել լրագրողներին: Ռուսաստանցի համանախագահ Յուրի Մերզլյակովը ղարաբաղյան հիմնախնդրի կարգավորման շուրջ բանակցությունների ներկա վիճակը շատ լուրջ է համարում, քանի որ ստացել են հայկական կողմի պատասխանները` համանախագահների վերջին առաջարկներին
Ըստ Մերզլյակովի` հայկական կողմը ոչ բոլոր առաջարկություններն է ընդունում, եւ համանախագահները հիմա դրանց համաձայնեցման փուլում են, իսկ ադրբեջանական կողմը, որն արդեն իր դրական պատասխանը տվել է, սպասում է հայկական կողմի հետ քննարկումների արդյունքին: Ռուսաստանցի համանախագահը հիշրեց, որ նույն վիճակն էր նաեւ 2 տարի առաջ, սակայն այն ժամանակ ներկայացված առաջարկներին համաձայն չէր ադրբեջանական կողմը: Խոսելով ղարաբաղաադրբեջանական շփման գծում շարունակվող կրակոցների եւ ընդհանրապես հիմնախնդրի ռազմական լուծման մասին` ֆրանսիացի համանախագահ Բերնար Ֆասյեն շեշտեց, որ միշտ էլ ասել են, որ հիմնախնդիրը հնարավոր չէ պատերազմով լուծել, իսկ խաղաղ կարգավորման համար կողմերին պետք է պատրաստել խաղաղության, այլ ոչ թե պատերազմի:
Մեկնաբանել