Տեսանյութեր
Լուսանկարներ
Նեյրոանոթային վիրաբուժության կենտրոն` ԵՊԲՀ-ում
Նախագահ Սերժ Սարգսյանն այսօր ներկա է գտնվել Երեւանի պետական բժշկական համալսարանի նեյրոանոթային վիրաբուժության կենտրոնի հանդիսավոր բացմանը:
Նախագահի մամլո գրասենյակի փոխանցմամբ` արարողությանը մասնակցել են նաեւ Հայկական բարեգործական ընդհանուր միության նախագահ Պերճ Սեդրակյանը, ՀԲԸՄ հոգաբարձուների խորհրդի անդամ Նազար Նազարյանը, ՀԲԸՄ տնօրենների կենտրոնական խորհրդի անդամներ:
Կենտրոնի ստեղծմանը, որն իր տեսակի մեջ եզակի է եւ ունի տարածաշրջանային նշանակություն, Երեւանի պետական բժշկական համալսարանը ձեռնամուխ է եղել երեք տարի առաջ: Նորակառույց կենտրոնը հագեցված է արդիական սարքավորումներով, բուժանձնակազմը շուրջ երեք տարի մասնագիտական վերապատրաստում է անցել արտասահմանյան առաջատար կլինիկաներում:
ԵՊԲՀ այս ծրագրին նշանակալի աջակցություն է ցույց տվել Հայկական բարեգործական ընդհանուր միությունը` հայտնի բարերար Նազար Նազարյանը նվիրաբվերել է 1,7 մլն ԱՄՆ դոլար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել