Արցախի հանրապետության նախագահ Բակո Սահակյանը ապրիլի 2-ին հանդիպում է ունեցել մեր երկրի արհեստակցական միությունների ֆեդերացիայի ներկայացուցիչների հետ` ֆեդերացիայի նախագահ Արա Ղահրամանյանի գլխավորությամբ: Հանդիպման սկզբում Արա Ղահրամանյանը նախագահին է ներկայացրել արհեստակցական միությունների կողմից 2009 թվականին կատարած աշխատանքները եւ 2010 թվականի ծրագրերը: Երկրի ղեկավարը նշել է արհեստակցական միությունների ֆեդերացիայի աշխատանքների շարունակական ակտիվացման կարեւորությունը մեր հանրապետության սոցիալ-տնտեսական զարգացման գործում: Այս մասին տեղեկացնում է Արցախի Հանրապետության նախագահի աշխատակազմի տեղեկատվության գլխավոր վարչությունը: