4 հայ է սպանվել Լոս Անջելեսի Սան Ֆերնանդո հովտում գտնվող ռեստորանում։ Լոս Անջելեսի ոստիկանությունը հայտարարել է, որ սպանությունը կազմակերպված է եղել։ Սպանվածները տղամարդիկ են, երեքը մահացել են տեղում, չորրորդը՝  հիվանդանոցում։ Եվս երկուսը վիրավոր են։ Լոս Անջելեսի ոստիկանությունն արդեն պարզել է սպանվածների ինքնությունը. նրանք են՝  25-ամյա Հայկ Եգանյանը, 26-ամյա Սարգիս Քարաջյանը, 28-ամյա Հարութ Բաբուրյանը և 31-ամյա Վարդան Թոֆալյանը։ Գործը վարող քննիչը և ոստիկանության ներկայացուցիչները փորձում են պարզել նրանց բնակության վայրերը։ «Սա խելագար ավազակի գործ չէ, որը շրջում է Հյուսիսային Հոլիվուդում և վտնագ ներկայացնում հանրության անվտնագությանը, սա ոչ էլ պատահական բռնության դեպք է, սա կազմակերպված գործողություն է»,- ասել է ոստիկանության ներկայացուցիչը։ Դեպքը տեղի է ունեցել միմյանց կից «Hot Spot» սրճարանում և «Mediterranean» ռեստորանում, որը լի է եղել այցելուներով, երբ ներխուժել է սպնություն կատարող անձը և կրակ բացել 16։40-ի սահմաններում։ «Հետաքննիչները փորձում են պարզել, թե արդյոք կրակողը ներսում է եղել կամ որտեղից է եկել»,- տեղեկացնում է «Los Angeles Times»-ը։ Դատելով սպանվածների ազգանուններից՝ Հայկ Եգանյանը, Հարութ Բաբուրյանը և Վարդան Թոֆալյանը Հայաստանից տեղափոխվածներ են։ Չի բացառվում նաև, որ նրանք ՀՀ քաղաքացիներ լինեն։ Մանրամասները կներկայացնենք առաջիկայում։