Նախօրեին` ժամը 12.00-ի սահմաններում, ՌԴ քաղաքացի, 1982 թ. ծնված Խաչատուր Ն.-ի վարած «Ռենջ-Ռովեր» մակնիշի ավտոմեքենան Երևան-Գյումրի ճանապարհի 57-րդ կմ-ին բախվել է 1985 թ. ծնված Տիգրան Թ.-ի «ԲՄՎ» մակնիշի ավտոմեքենային, որի հետևանքով վարորդները և «Ռենջ Ռովերի» ուղևորուհի, 1984 թ. ծնված Լիանա Ա.-ն և «ԲՄՎ»-ի ուղևորներ` 1980 թ. ծնված Կարեն Հ.-ն, 1979 թ. ծնված Հասմիկ Պ.-ն, 1985 թ. ծնված Հակոբ Մ.-ն մարմնական վնասվածքներով տեղափոխվել են Թալինի հիվանդանոց, իսկ 1951 թ. ծնված Անահիտ Անդրեասյանը տեղում մահացել է: Կատարվում է նախաքննություն: Այս մասին տեղեկացնում է ոստիկանության մամլո ծառայությունը: