Կիմանանք ապրիլի 13-ին Գիտությունների ազգային ակադեմիայի «Փորձագիտական ազգային բյուրո» ՊՈԱԿ-ը պատասխանել է դատարանի այն հարցին, թե արդյոք ինտիմ կադրեր պարունակող հայտնի տեսաերիզում, որի մասին գրել էր «Հրապարակ» օրաթերթը, «գործող տղամարդը» ռեժիսոր Հրաչ Քեշիշյա՞նն է: Հիշեցնենք, որ վերոնշյալ հրապարակումից հետո ռեժիսորը դիմել էր դատարան` պնդելով, որ տեսաերիզում առկա տղամարդն ինքը չէ` պահանջելով հերքել հրապարակած տեղեկությունները և որպես բարոյական վնասի հատուցում` իրեն վճարել 5 միլիոն դրամ: «Հրաչ Քեշիշյանն ընդդեմ Հրապարակ օրաթերթ ՍՊԸ-ի» գործով հաջորդ դատավարությունը տեղի կունենա ապրիլի 13-ին, ժամը 15:30-ին: Նշենք, որ փորձաքննությունը տևել է գրեթե հինգ ամիս: