Այսօր առավոտյան` ժամը 8.00-ի սահմաններում, «Վոլցֆագեն-տուառեկ» մակնիշի ավտոմեքենայի վարորդը Սարյան փողոցում դուրս է եկել հանդիպակաց երթևեկելի գոտի, այնուհետև մեքենան վարել է հետիոտնի համար նախատեսված մայթով և հարվածել ու արմատախիլ է արել հաստաբուն ծառը: Վթարը տեղի է ունեցել Մուշեղ Իշխանի անվան դպրոցի մայթին: Բարեբախտաբար, այդ ժամին այդտեղ երեխաներ չկային: Դեպքի վայր ժամանած Ճանապարհային ոստիկանության աշխատակիցները կատարել են տեղազննման աշխատանքներ, սակայն վարորդը այնտեղ չի եղել: Մեքենայի վրա համարանիշներ չկային: Մեր տեղեկություններով` մեքենան պատկանում է Երևանի Սարյան փողոցի բնակիչ Արթուր Մարգարյանին, իսկ մեքենայի համարանիշներն են` 20 ՍՕ 200: Վթարի առթիվ Ճանապարհային ոստիկանության հետքննչական բաժանմունքում հարուցվել է քրեական գործ, հանգամանքները պարզվում են: Լուսանկարները` Գագիկ Շամշյանի