Հենց նոր «Հետք» զանգահարեց Բնապահպանության նախարարության մամուլի քարտուղար Հասմիկ Մկրտչյանը և տեղեկացրեց, որ մեր կայքում տեղադրված «Սամվել Ալեքսանյանի նոր սուպերմարկետը` ծառերի հաշվին» և «Վրաերթի հետևանքով արմատախիլ է եղել երեք ծառ» նյութերի մասին տեղյակ են պահել Բնապահպանության նախարարության բնապահպանական պետական տեսչության պետին: Մամուլի քարտուղարի տեղեկացմամբ` տեսչության պետը հանձնարարել է Երևանի քաղաքի տեսչությանը խումբ ուղարկել հոդվածներում նշված վայրեր: «Արդյունքների մասին կհայտնենք առաջիկայում»,- ասաց Հասմիկ Մկրտչյանը: