Ապրիլի 12-ին Ռումինիայում ՀՀ դեսպան Համլետ Գասպարյանն իր հավատարմագրերը հանձնեց Ռումինիայի նախագահ Տրայան Բասեսկուին: Պաշտոնական արարողությունից հետո տեղի ունեցավ առանձնազրույց Ռումինիայի նախագահի և Հայաստանի դեսպանի միջև, որի ընթացքում քննարկվեցին հայ-ռումինական հարաբերությունների ներկա վիճակը և զարգացման հեռանկարները: Ինչպես հայտնում է ՀՀ Արտաքին գործերի նախարարության Մամուլի, տեղեկատվության և հասարակայնության հետ կապերի վարչությունը, Ռումինիայի նախագահը շնորհավորեց նորանշանակ դեսպանին նշանակման առիթով` հավաստիացնելով նրան ռումինական իշխանությունների անվերապահ աջակցությունը և մաղթելով բեղմնավոր աշխատանք ու հաջողություն: Դեսպան Գասպարյանը, շնորհակալություն հայտնելով նախագահին, վստահեցրեց, որ բոլոր ջանքերը ներդնելու է իր առաքելությունը լավագույնս կատարելու համար: