Այսօրվա նիստում կառավարությունը որոշել է ստեղծել «Հաշմանդամների մասնագիտական կողմնորոշման աշխատանքային վերականգնողական կենտրոն» ՊՈԱԿ, որի գործունեության նպատակն է աշխատաշուկայում հաշմանդամների մրցունակության բարձրացման եւ շուկայի պահանջարկին համապատասխան մասնագիտական կողմնորոշումը, հաշմանդամների եւ նրանց ընտանիքի անդամների սոցիալական մեկուսացումը մեղմելուն ուղղված սոցիալ-հոգեբանական աջակցության տրամադրումը եւ այլն։ Կառավարության մամլո գրասենյակի փոխանցմամբ` Կենտրոնի մատուցած ծառայությունների արդյունքում կբարձրանա Գյումրի քաղաքի եւ Շիրակի մարզի հաշմանդամների մրցունակությունը աշխատաշուկայում, կփոխվի նրանց նկատմամբ գործատուների վերաբերմունքը։