Բնապահպանական պետական տեսչությունը տուգանել է ապրիլի 10-ին առավոտյան «Վոլցֆագեն-տուառեկ» մակնիշի ավտոմեքենայի վարորդին, ով հետիոտնի համար նախատեսված մայթում հարվածել էր ծառին, ինչի հետևանքով այն արմատախիլ էր եղել: Ինչպես «Հետքին» տեղեկացրեց ԲՆ մամուլի քարտուղար Հասմիկ Մկրտչյանը, արմատախիլ է եղել 36 սմ տրամագծով թեղի տեսակի ծառ։ Բնության հասցված վնասը կազմել է 100, իսկ տուգանքը՝ 50 հազար դրամ։ Այսինքն՝ վարորդը պետք է վճարի 150 հազար դրամ։