Այսօր կազմակերպված մամուլի ասուլիսին «Օրինաց երկիր» կուսակցության փոխնախագահ Մհեր Շահգելդյանը պատասխանեց լրագրողների հարցերին: Վաղը կամ մյուս օրը լրանում է ճիշտ մեկ տարին` արձանագրությունների նախաստորագրման պահից: Ի՞նչ տվեց այս մեկ տարին մեզ, և ի՞նչ տարավ մեզանից (վերջապես, ինչ-որ բան նաև մեզանից խլել է): Եվ արդյոք գործընթացը փակուղի չի՞ մտել (շատերն են խոսում այդ մասին): Ես չեմ կարծում, որ գործընթացը փակուղի է մտել, և վաշինգտոնյան հանդիպումները և քննարկումները նաև դա ցույց տվեցին: Ըստ էության, մենք տեսնում ենք գործընթացի շարունակություն և զարգացում: Բնականաբար, խոսքը հետևյալին է վերաբերում. եթե գործընթացը մեկ օրվա չի: Եվ այս տեսանկյունից պետք է հասկանանք և տեսնենք, որ մենք անցնում ենք բանակցային, դիվանագիտական, տարածաշրջանային ճանապարհ, և այս ճանապարհը ունենալու է իր փուլերը, իր տրամաբանությունները: Հայաստանի Հանրապետության (և մենք բազմիցս ասել ենք այդ մասին) մոտեցումները հստակ են, և մոտեցումները ներկայացվում են և երկրի ներսում, և երկրի դրսում: Ես կարծում եմ` այս տեսանկյունից նաև թուրքական մոտեցումները, հստակությունները պետք է լինեն, որ մենք կարողանանք արդեն գործընթացի զարգացումները տեսնել: Սակայն այս տեսանկյունից երկիրը գնում է հաստատակամորեն և հստակ: Գործընթաց կա, բայց զարգացում կա՞, պրն Շահգելդյան: Մեր կարծիքով, այս տեսանկյունից, իհարկե, զարգացում կա: Դուք ասացիք, որ գործընթացը շարունակվում է: Բայց տրամադրությունն այնպիսին է, որ արդեն մենք վերջնագծին ենք հասել, արձանագրությունների վավերացման հեռանկարը մենք կարծես թե չենք տեսնում: Ինչի՞ հետ է դա կապված: Բնականաբար, որոշակի պատկերացումներ` գործընթացի ավարտի վերաբերյալ, կան և ձևավորվում են: Միաժամանակ նորից եմ ուզում ասել, որ մեր դիրքորոշումները հստակ են, այսինքն` Հայաստանի Հանրապետությունն ասում է` առանց նախապայմանների, այն մոտեցումներով, որոնց վերաբերյալ արդեն ձեռք են բերել պայմանավորվածությունները, և արձանագրությունների շրջանակներում գործընթացը ընթանում է առաջ: Եվ մենք կարողմնակից ենք ահա այսպիսի մոտեցումների: Այսօր, ընդհակառակը, թուրքական կողմից է, որ տեսակետների մեջ կարծես, տարբերություններ կան. իշխող քաղաքական ուժի ներսում ինչ-որ տարբեր հայտարարություններ են լինում, այսինքն` խնդիրը էնտեղ է, մեր կարծիքով: Մեր տեսանկյունից ` Հայաստանի Հանրապետությունը հստակ իր մոտեցումները ներկայացրել է, հստակ իր դիրքորոշումները արտահայատել է, և մենք գնում ենք առաջ, այսինքն` մեր ազգային արժեքների պահպանմամբ, առանց նախապայմանների: Պրն. Շահգելդյան, եթե ասում եք` գործընթացը փակուղի չի մտել, առավել ևս` շարունակվում է, ապա բնականաբար, այդ գործընթացը պետք է հանգեցներ հայ-թուրքական սահմանի բացմանը: Ե՞րբ կբացվի սահմանը: Ես կարծում եմ` մենք սա կտեսնենք ընթացքում, որովհետև շատ բան պայմանավորված է լինելու նաև թուրքական կողմի մոտեցումներով: Եթե Դուք կոնկրետ ամսաթիվ եք ուզում, այսօր, բնականաբար, ամսաթիվ ասել դժվար կլինի, սակայն` զարգացման հետ միասին, այս սկզբունքների շրջանակներում: Պրն. Շահգելդյան, երբ նոր նախարար էր նշանակվում, և Դուք «անցնում էիք ակտիվ կուսակցաշինական գործունեությանը», ինչպես պրն. Բաղդասարյանն ասաց, շատ ակտիվ սկսեցին շրջանառության մեջ մտնել Ռոբերտ Քոչարյանի վերադարձի, ինչպես նաև նոր քաղաքական պլատֆորմ ձևավորելու, նոր ուժերի վերամիավորումների, այդ թվում` նաև ՕԵԿ-ի մասին խոսակցությունները: Ի՞նչ կասեք այս մասին: Ձեզ մոտ առհասարակ քննարկումներ տեղի ունենո՞ւմ են: «Ակտիվ կուսակցաշինություն» ասելով` ի՞նչ նկատի ունեք: «Օրինաց երկիր» կուսակցությունը երբևէ չի աշխատել ընտրությունից ընտրություն: Այսինքն` մենք մշտապես աշխատել ենք կուսակցական շինարարության ոլորտում, և այս տեսանկյունից մշտապես ակտիվ ենք եղել: Բնականաբար, յուրաքանչյուր կուսակցություն իր անցած ճանապարհի ընթացքում պարբերաբար անում է կառուցվածքային մոտեցումների, քաղաքական աշխատանքի մոտեցումների, քարոզչական աշխատանքի մոտեցումների վերլուծություններ, թարմացումներ և նորացումներ` հաշվի առնելով այն հիմնախնդիրները, որ եղել են, և այն հնարավորությունները, որոնք կան: Ես ինքս զբաղվում եմ ավելի մեծ չափով ակտիվ կուսակցական շինարարության աշխատանքով, ես կուսակցության փոխնախագահն եմ և Քաղաքական հետազոտությունների կենտրոնի ղեկավարը: Այս տեսանկյունից սա նաև (մի քիչ մարդկայնորեն երևի ասենք) համապատասխանում է իմ էությանը` երկար տարիներ քաղաքական գործունեության մեջ, և ես ինքս նաև մեծ ցանկություն եմ ունեցել` ավելի մեծ չափով ակտիվ քաղաքականությամբ զբաղվել, նաև մասնագիտական տեսանկյունից: Իսկ այն, որ «Օրինաց երկիրը» ակտիվանում է, սա մշտական եղել է, և մենք մշտապես է́լ ավելի մեծ չափով ենք ակտիվություն ցուցաբերել: Կուսակցությունը մշտապես եղել է առավել ակտիվ աշխատող, ակտիվ գործող կուսակցություններից` և կազմակերպչական գործունեության մեջ, և հրապարակային դաշտում, և Ազգային ժողովում աշխատելու ընթացքում, բնականաբար: Եվ մենք, ըստ էության, չենք փոփոխվել: Այսինքն` կուսակցաշինությունը մեզ համար շարունակական գործընթաց է` բնականաբար, հաշվի առնելով անցյալը, վերլուծելով հիմնախնդիրները, պրոբլեմները, որոնք առաջանում ենք, և մենք գնում ենք առաջ: Իսկ վերամիավորումների մասին ի՞նչ կասեք: Այսօր այդպիսի խնդիրներ չենք քննարկում: «Օրինաց երկիր» կուսակցությունն իր գիծը, իր մոտեցումները, իր սկզբունքներն ունի, մենք ակտիվ աշխատում ենք, և իհարկե, զբաղվում ենք նաև, ինչպես Դուք ասացիք, կուսակցական շինարարության խնդիրներով: Մենք գնում ենք այսօր առաջ` մեր մոտեցումներով, մեր սկզբունքներով և ձեզ հետ մեր շփումներով: Պրն. Շահգելդյան, Ձեր անկեղծ կարծիքն եմ ուզում իմանալ, եթե հնարավոր է: Մեր երկրում հնարավոր համարո՞ւմ եք, որ առանց լուրջ պատճառի` նախարար աշխատանքից հանվի այն պատճառաբանությամբ, որ «կուսակցաշինության մեջ նրա դերը ավելի է կարևորվում»: Նախարարը ընդհանրապես քաղաքական գործունեություն է, և այս տեսանկյունից ես ևս մեկ անգամ եմ ուզում նշել, որ կուսակցական շինարարության աշխատանքը խիստ կարևոր է, այո: Երկրորդ տեսանկյունից խնդիրն այն է, որ քաղաքականության մեջ ավելի ակտիվ, եթե կարելի է ասել` մի քիչ ավելի ազատ գործունեությունը ինձ համար շատ ավելի ընկալելի է, որովհետև տարիներ շարունակ ես զբաղվել եմ քաղաքականությամբ: Կուսակցական գործունեությունը ունի իր տրամաբանությունը: Սրանք են սկզբունքները և մոտեցումները, էնպես որ էստեղ խնդիրներ այն տեսանկյունից, որը Դուք եք նշում, չկան: Լինելով կոալիցիայի անդամ` «Օրինաց երկիրը» որևէ ոլորտի հետ կապված որևէ լուրջ դժգոհություն այսօր կարո՞ղ է բարձրաձայնել, ինչպես, օրինակ, արեց ձեր կոալիցիոն գործընկերը` «Բարգավաճ Հայաստան» կուսակցությունը` տնտեսության ոլորտում լուրջ դժգոհություն արտահայտելով հրապարակային ձևով: Առաջին, մենք մշտապես մեր կարծիքները և մեր մոտեցումները ներկայացրել ենք հանրությանը օբյեկտիվորեն` բոլոր այն ոլորտների վերաբերյալ, որոնք կան հանրային կյանքում: Երկրորդ` կարևորագույն խնդիրը այն է, որ մոտակա ժամանակներս մենք ձեզ պաշտոնապես կներկայացնենք արդեն «Օրինաց երկիր» կուսակցության մոտեցումները սոցիալ-տնտեսական դաշտում: Այսօր կան, իհարկե, և դրական միտումներ տնտեսության մեջ, և մտահոգիչ խնդիրներ, սակայն մոտակա ժամանակներս արդեն ամբողջությամբ կներկայացնենք ձեր ուշադրությանը: