Ժամը 15.30 «Արմենիա Մարիոթ» հյուրանոցը ՀՀ Արտակարգ իրավիճակների նախարարության փրկարար ծառայության  փրկարար ուժերի վարչության հրդեհաշիջման կազմակերպման բաժնի հետ միասին անց են կացրել ամենամյա «Հակահրդեհային վարժություններ» շարքը` այս անգամ համագործակցելով Երևանի թիվ 8 հրշեջ-փրկարարական ջոկատի հետ: Հյուրերի և աշխատակիցների անվտանգությունն ապահովելու նպատակով հյուրանոցը համալրվել էր հրդեհը կանխարգելող և մարող սարքավորումներով: «Մինչև հրդեհը հայտարարելը ամբողջ անձնակազմը կազմակերպված կերպով տարահանել էր հյուրանոցի բնակիչներին, հետո դիմավորեցին հրշեջ փրկարարներին, իսկ նրանք տեղ հասնելու պես գնահատեցին իրավիճակը և կազմակերպեցին վարժանքը»,- նշեց Արտակարգ իրավիճակների նախարարության փրկարար ծառայության փրկարար ուժերի վարչության հրդեհաշիջման կազմակերպման բաժնի պետ, քաղծառայության գնդապետ Արթուր Ոսկանյան: Նա փրկարարների աշխատանքը գնահատեց գերազանց: Գնդապետի խոսքերով`այսպես ասած` «իբր հրդեհը» մարեցին 12 րոպեում: Ամեն տարի հյուրանոցում անցկացվում եմ նմանատիպ հակահրդեհային  վարժություններ, որոնք նպատակուղղված  են ստուգելու  անձնակազմի և հյուրանոցի պատրաստվածությունը հնարավոր հրդեհների  դեպքում և կանխելու ցայտոտնային  իրավիճակները, անկազմակերպ  էվակուացիայի հետևանքով առաջացած արդյունքները: Հյուրանոցը պլանավորում է շարունակել իր համագործակցությունը Հայաստանի Հանրապետության  Փրկարար Ծառայության հետ և ապագայում  նույնպես կիրականացվի նմանատիպ վարժություններ, որպեսզի հյուրանոցի հյուրերն ու աշխատակիցները միշտ իրենց ապահով զգան: