«Մենք նկատի ենք առնում նախագահ Սարգսյանի հայտարարությունն այն մասին, որ Հայաստանը կասեցնում է արձանագրությունների քննարկումն իր Ազգային ժողովում: Նախագահ Սարգսյանի հայտարարությունը հստակորեն ցույց է տալիս, որ Հայաստանը չի դադարեցնում գործընթացը, այլ առկախում է այն` մինչ թուրքական կողմը պատրաստ կլինի առաջ գնալու», - հայտարարել է ԱՄՆ պետքարտուղարի Եվրոպայի և Եվրասիայի հարցերով տեղակալ Ֆիլիպ Գորդոնը: Նա նշել է, թե ԱՄՆ-ն ողջունում է Սերժ Սարգսյանի որոշումը` շարունակել աշխատանքը խաղաղության, կայունության ու հաշտության տեսլականի ուղղությամբ: Ֆիլիպ Գորդոնն իր հայտարարությունում, որը հրապարակել է Հայաստանում ԱՄՆ դեսպանատան մամլո ծառայությունը, միաժամանակ նշել է, որ իրենք շարունակում են կողմներին կոչ անել` հետամուտ լինել հարաբերությունների կարգավորմանը, որն օգուտ կբերի ոչ միայն Թուրքիային և Հայաստանին, այլև տարածաշրջանին: