Շուրջ 1 ժամ առաջ Գրիգոր Լուսավորիչ փողոցում` Ձկան խանութի մոտ Ճանապարհային ոստիկանության աշխատակիցները արգելել են մեքենաների և մարդկանց տեղաշարժը: Պատճառը եղել է ճանապարհի վրա` երթևեկելի հատվածում «Մամա Միա» ընկերության սննդի տեղափոխման «Մոսկվիչ»` 05 OT 160 համարանիշի ավտոմեքենայում բռնկված հրդեհը: Տուժողներ չկան: Վարորդը ևս հասցրել է դուրս գալ մեքենայից: Քանի որ ավտոմեքենան գազով է աշխատել և մեծ ծուխ է առաջացել, ոստիկանության աշխատակիցները մտավախություն են ունեցել, որ այն կարող է պայթել: Սակայն փրկարար ծառայության աշխատակիցները մարել են մեքենայում բռնկված հրդեհը: Արդեն վերականգնվել է նաև երթևեկությունը: Ֆոտոլրագրող Գագիկ Շամշյանը տեղեկացնում է, որ կատարվելու է փորձաքննություն, որպեսզի պարզվեն հրդեհի բռնկման պատճառները: Լուսանկարները` Գագիկ Շամշյանի