2010թ. մայիսի 13-ից 17-ը Բելառուսի մայրաքաղաք Մինսկում կայանալու է Սամբոյի Եվրոպայի առաջնությունը: Մարզական սամբոյի մրցումներում Հայաստանը ներկայացնելու է յոթ մարզիկ և մեկ մարզուհի: Եվս երկու մարզիկ մեր երկիրը կներկայացնի մարտական սամբոյի գոտեմարտերում: Հայաստանի սամբոյի ֆեդերացիան հայտնում է, որ առաջնությանը լավագույնս նախապատրաստվելու համար մայիսի 3-ից 12-ը Հայաստանի ընտրանին Բելոռուսի «Ստայկի» օլիմպիական մարզահամալիրում կանցկացնի ուսումնամարզական հավաք: