Տեսանյութեր
Լուսանկարներ
Ոսկե մեդալ Սուրեն Զոլյանին
Երևանի Վ. Բրյուսովի անվան պետական լեզվաբանական համալսարանում ապրիլի 30-ին կայացել է խորհրդի ընդլայնված նիստ, որին մասնակցել է նաև Հայաստանի սամբոյի ֆեդերացիայի նախագահ, ՀՀ և ԽՍՀՄ վաստակավոր մարզիչ, ՀՀ ֆիզկուլտուրայի և սպորտի վաստակավոր աշխատող Լևոն Հայրապետյանը:
Նիստին քննարկվել են համագործակցության խնդիրներ, որոնցից մեկն էլ բուհում կանանց սամբոյի խմբակներ բացելն է: Ֆեդերացիայի նախագահը լեզվաբանական համալսարանի ռեկտոր, հասարակական-քաղաքական գործիչ Սուրեն Զոլյանին հանձնել է Սամբոյի և ձյուդոյի օլիմպիական մանկապատանեկան մարզադպրոցի ԼՂՀ մասնաճյուղի հիմնադրման 20-ամյա հոբելյանին նվիրված պատվոգիրն ու հատուկ ոսկե մեդալը, շնորհակալություն հայտնել կրթօջախի բացմանն ու կայացմանը աջակցելու, սամբո մարզաձևի տարածմանն ու հանրահռչակմանը օժանդակելու, ինչպես նաև` Ազգային զարթոնքի ու Արցախի ազատագրման գործում ունեցած ավանդի համար:
Այս մասին հայտնում է Հայաստանի սամբոյի ֆեդերացիան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել