Նախօրեին, ժամը 15.30-ին Արագածոտնի մարզի Եղիպատրուշ համայնքից տեղեկություն է ստացվել, որ տեղացած երկարատև անձրևներից «Երոի» և «Դարխախտ» կոչվող հանդամասերում տեղի է ունեցել սողանք, որի հետևանքով քանդվել է համայնքին պատկանող ոռոգման արտաքին ցանցի 35-40 մ երկարությամբ երկաթբետոնյա խողովակաշարը, որով ջուր չի հոսում: Վնասի չափը ճշտելու նպատակով մարզպետերանում ստեղծվել է հանձնաժողով: Այս մասին տեղեկացնում է Հայաստանի փրկարար ծառայությունը: