Ինչպես տեղեկացնում է Արտաքին գործերի նախարարության մամուլի ծառայությունը, մայիսի 5-ին Կահիրեում հանդիսավոր կերպով նշվել է Հայրենական Մեծ պատերազմի հաղթանակի 65-ամյակը: Ռուսական մշակութային կենտրոնի մեծ դահլիճում  անցկացված միջոցառումը կազմակերպվել է Կահիրեում հավատարմագրված ԱՊՀ անդամ երկրների դեսպանությունների  համատեղ ջանքերով: Ծրագիրն ընդգրկել է պատերազմի եւ հաղթանակի թեմաներով երաժշտական կատարումներ, ասմունք եւ լուսանկարչական ցուցահանդես, որտեղ յուրաքանչյուր երկիր ներկայացված է եղել առանձին ստենդով: Ընդհանուր 300 ներկաների թվում եղել են 50-ից ավելի ՀՀ քաղաքացիներ: