Լոռու մարզի Ճոճկան գյուղի համայնքապետ Սամվել Գիգոլյանը «Հետք»-ին տեղեկացրեց, որ գյուղում խոզերի նոր հիվանդության  համաճարակ է սկսվել: «Ճոճկանում տարածված խոզերի լուծի պատճառով արդեն 10 գլուխ խոզի անկում է արձանագրվել: Գյուղում 700-800 գլուխ խոզ ունենք, որոնց ճակատագրի համար գյուղացիները խուճապի են մատնվել: Հիվանդության առաջացման պատճառները մեզ առայժմ հայտնի չեն: Ես հանձնարարել եմ գյուղի անասնաբույժին անցկացնել լաբորատոր ուսումնասիրություններ` հիվանդության առաջացման պատճառները բացահայտելու համար»,- ասաց գյուղապետը: Հիշեցնենք, որ ընդամենը մի քանի ամիս առաջ Ճոճկանի խոզերին սպառնում էր ժանտախտի համաճարակ: Այն ժամանակ էլ գյուղում մեծ քանակության խոզերի անկում էր արձանագրվել: Լուծի համաճարակը ժամանակին չկանխելու դեպքում սոցիալական նոր խնդիրներ կարող են առաջանալ Ճոճկանում, հատկապես այն դեպքում, երբ խոզերի մեծ մասը գյուղացիները գնել են վարկով: