Հրապարակվել են ՀՀ ֆինանսների նախարարությունում անցկացված հաշվապահների որակավորման քննության արդյունքները: Համաձայն այդ տվյալների` հրավիրված 19 դիմորդներից քննությանը մասնակցել են 17 դիմորդ, որոնցից 11-ին տրվել է որակավորված հաշվապահի վկայական: 2010 թվականի ընթացքում անց է կացվել հաշվապահների որակավորման  12 քննություն, որոնց արդյունքներով մասնակից 178 դիմորդներից 91-ին տրվել է որակավորված հաշվապահի վկայական: Հայաստանի Հանրապետությունում ս.թ. մայիսի 11-ի դրությամբ 303 հաշվապահ ունի որակավորման վկայական: Այս մասին հայտնում է ՀՀ ֆինանսների նախարարության տեղեկատվության և հասարակայնության հետ կապերի բաժինը: