Լոռու մարզի Անտառամուտի գյուղապետից տեղեկություն է ստացվել, որ մայիսի 9-ին հորդառատ անձրեւի հետեւանքով տեղի է ունեցել սողանք. փակվել է Վահագնի-Անտառամուտ ավտոճանապարհը: Ժամը 18.00-ի դրությամբ` գյուղապետարանի կողմից ձեռնարկված միջոցառումների շնորհիվ ավտոճանապարհի երթեւեկությունը վերականգնվել է: Նույն մարզից ստացված տեղեկության համաձայն` հորդառատ անձրեւների հետեւանքով պարբերաբար քարաթափումներ են տեղի ունենում Շահումյան գյուղում, իսկ մայիսի 9-ին «Սև աղբյուր» հանդամասում տեղի է ունեցել սողանք, ինչի հետեւանքով փակվել է հանդամաս տանող ճանապարհը: Դեպքի վայր է մեկնել մարզային փրկարարական վարչության օպերատիվ խումբը: Գյուղապետարանի կողմից ձեռնարկվում են համապատասխան միջոցառումներ ճանապարհը մաքրելու և երթեւեկությունը վերականգնելու ուղղությամբ: