Ըստ ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանի, Հայաստանի իշխանություններն ընդառաջել են ԵԽԽՎ նախագահ Մովլութ Չավուշօղլուին եւ փոխել նրա այցի ձեւաչաձը: Սկզբից նախատեսվում էր, որ այցը պետք է կայանա պաշտոնական ձեւաչափով, ինչը, ըստ պաշտոնական արարողակարգի, ենթադրում էր բարձրաստիճան հյուրի այցելություն Ծիծեռնակաբերդի հուշահամալիր: Սակայն Չավուշօղլուն հրաժարվել է Եղեռնի զոհերի հուշահամալիր այցելությունից, ինչն էլ ստիպել է իշխանություններին պաշտոնական այցը վերափոխել աշխատանքայինի: