HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լիլիթ Նուրիջանյան

Ինչպե՞ս է պատգամավոր Ռուբեն Գեւորգյանը տիրացել Դավիթաշենի այգուն

«Նվեր սիրելի դավիթաշենցիներին». այս ցուցանակով «Դեյզի» այգին տարիներ առաջ ԱԺ պատգամավոր, Դավիթաշեն համայնքի նախկին ղեկավար Ռուբեն Գեւորգյանի կողմից նվիրվեց  բնակիչներին:  ԱԺ կայքում պատգամավորի կենսագրության մեջ այգին նշվում է որպես կատարած բարեգործություն: Մոտ վեց ամիս է, սակայն, ինչ այգու դարպասները փակված են ու վերը նշված ցուցանակը  հանված:

Բնակիչները պատմում են, որ Գեւորգյանը լուրջ ֆինանսական խնդիրներ ունի, բացի այդ՝ մեծ ներդրումներ են պետք հերթական ԱԺ ընտրությունների համար, եւ  այդ պատճառով իրեն պատկանող շատ տարածքներ ԲՀԿ-ական պատգամավորը  սկսել է վաճառել:

Այգու կողքի 2000 քմ ամայի տարածքը եւ դրա  հետնամասում գտնվող շուկան (4000 քմ)  եւս վաճառվում են: Բնակիչների պնդմամբ՝ այդ ամբողջ հատվածը ներառյալ եւ «Դեյզի» այգին վաճառվում են: Զանգահարեցինք նշված տարածքների  վաճառքի մասին հայտնող ցուցանակի վրա գրված հեռախոսահամարով: Մեր զանգերին պատասխանեց մի կին, ով երկու հեռախոսազրույցների ընթացքում էլ հասկանալ տվեց, որ խոսքը գնում է նաեւ «Դեյզի» կանաչապատ այգու մասին.  «Եթե նորմալ առնող եք ու լավ փող տաք, այգին էլ կլինի, ըսենց ո՞նց ասեմ: Հանդիպենք, նորմալ խոսենք»:

ԱԺ պատգամավոր, նախկինում Դավիթաշենի թաղապետ Ռուբեն Գեւորգյանը  «Հետքի» հետ զրույցում ժխտում է այգու վաճառման մասին լուրերը: Հետեւելով Ռ. Գեւորգյանի խոսքի տրամաբանությանը՝ այգին այլեւս հանրային չի լինելու: Այգին, իհարկե, մասնավոր սեփականություն է. սեփականատերը այն կարող է բացել-փակել, ի վերջո անել այն, ինչ ուզում է:  Սակայն մեկ այլ հանգամանք է ուշադրություն գրավում: Երեւանի քաղաքապետարանի կայքում տեղադրված Դավիթաշեն համայնքի գոտիավորման նախագծում այս այգու տարածքը նշված է որպես համաքաղաքային նշանակության հասարակական կանաչ, ինչը նշանակում է, որ այգին չի կարող պատկանել մասնավոր անձի: Մինչ Ռուբեն Գեւորգյանը հերքում է այս փաստը եւ չի կարողանում հասկանալ, թե ինչպես կարող է իր սեփականությունը համարվող տարածքը լինել հասարակական, Երեւանի քաղաքապետարանը հաստատում է այս թյուրիմացությունը:

Այգին Գեւորգյանին իր դստեր՝ Արմինեի անունով վաճառվել է 1998 թվականին, երբ  Գեւորգյանը Դավիթաշենի համայնքապետն էր, Երեւանի քաղաքապետն էլ՝ Սուրեն Աբրահամյանը, ով, սակայն, «Հետքի» հետ հեռախոսազրույցում ժխտեց, որ այգու վաճառման մասին որոշումը ինքն է տվել. «Ես տենց ախմախություն արած չէի լինի: Հնարավոր է՝ վարձակալության տված լինեի, բայց վաճառք` չէ: Հազար հատ որոշում եմ կայացրել, հիմա ո՞նց հիշեմ բոլորը»: Քաղաքապետարանը արդեն մեկ ամիս շարունակ «Հետքին» չի տրամադրում այն որոշումը, ըստ որի՝ այգին ժամանակին հատկացվել է Ռուբեն Գեւորգյանին:

1998 թվականին դեռ ընդունված չէր  ՀՀ «Հողային օրենսգիրքը», եւ որեւէ օրենք չէր կարգավորում հողատարածքների բաշխումը, սակայն դեռ Խորհրդային Միության տարիներից այդ տարածքը նախագծով  նախատեսում էր հանրային այգի:

Ինչպե՞ս է ստացվել, որ հանրային այգու տարածքը վաճառվել է մասնավոր անձի, եւ որն ավելի հետաքրքիր է, ինչպե՞ս է ստացվել, որ արդեն մասնավոր անձին պատկանող տարածքը արդեն 2007 թ.-ին Երեւանի քաղաքապետ Երվանդ Զախարյանի կողմից ընդունված  որոշմամբ ամրագրվում է որպես համաքաղաքային նշանակության կանաչ տարածք:  

Առավել հետաքրքիր է Երեւանի քաղաքապետարանի պատասխանը, որտեղ, կարծես որպես արդարացում, նշվում է, որ «Դավիթաշեն  վարչական շրջանի գոտիավորման նախագիծը, ըստ որի «Դեյզի» այգու զբաղեցրած հողամասը ամրագրված է որպես համաքաղաքային նշանակության հասարակական կանաչ տարածք, հաստատվել է շատ ավելի ուշ (Երևանի քաղաքապետի 12.12.2007 թ. հ.5411-Ա որոշմամբ), քան այն տրամադրվել է մասնավոր անձի: Ներկա պահին Երևան քաղաքի գլխավոր հատակագծում, այդ թվում՝ նաև վարչական շրջանների գոտիաորման նախագծերում կատարվում են փոփոխություններ՝ նմանատիպ հակասությունները բացառելու նպատակով»: Կարելի է ենթադրել, որ այս հակասությունը բացառելու համար գոտիավորման նախագծում այդ տարածքը այլեւս չի հանդիսանա հասարակական կանաչ:

Այգու վաճառքի մասին «Հետքի» հետ զրույցում իր կարծիքը հայտնեց նաեւ Դավիթաշեն համայքնի ղեկավար Արթուր Գեւորգյանը, ով նաեւ Ռուբեն Գեւորգյանի եղբորորդին է: 

Մեկնաբանություններ (6)

Lilit
lseq menq shat poqr enq vor inch vor ban asenq henc et nuyn Ruben Gevorgyanin mer amenalav taxapetna exel shat shnorhakal piti linenq iren mer sirun aygu hamar vor iroq esqan tari meza carayel u menq hachuyqov enq ayd aygin gnacel u shat eli shat lav banera mer taxamasi hamar arel Ruben Gevorgyan@
Tamara_
Nvirel petq chi, ajn inch petutjann e petq e lini petutjany, shaterin petq e kulakataputjun anel:) inchpes arecir sovetakan jamanakashrjanum u tal petutjany. mekin amen imen inch, mjusin vochinch? vortex e grvac... Astvacashnchum te HH sahmanadrutunum>?
Սիրանուշ
բայց արդեն նվիրել ա, չէ՞, հիմա էլ հետ ա ուզո՞ւմ, բայց հո լսել եք հետևյալ արտահայտությունը՝ նվիրածը հետ չեն վերցնում․․․
CHEM KARA ASEM
Հետաքրքիրա ինձ, բոլորդ լավ երկխոսումեք թեմայի շուրջ, ԵԹԵ այգին Ձերը լիներ, կնվիրեիք Դավթաշենին?????? հավատացած եմ, որ նույնիսկ ձեր հին մաշված հեռախոսը չեիք նվիրի
Սարեյան Ա.
Հետք, կարծում եմ այդպես էլ կանեն եւ նախագծում պարզապես մեկ փոփոխություն անելով այս հարցը կլուծվի, Ծաղիկ Ռուբոն էլ իր այգում ատրակցիոն կնստի:
GAGIK.A
PETK E ANHAPAX VERADARCVI AJGIN DAVTASHENCINERIN

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։