Տեսանյութեր
Լուսանկարներ
Համոզված են, որ Էռնեստ Վարդանյանի նկատմամբ հարուցված գործը քաղաքական պատվեր է
Լրագրող Էռնեստ Վարդանյանի հարազատները հայտարարություն են տարածել նրա խոստովանական հեռուստաելույթի վերաբերյալ: Հարազատները հիշեցնում են, որ դեռևս ապրիլի 14-ին Էռնեստ Վարդանյանը հայտարարել էր, որ իրեն ստիպում են խոստովանել առաջադրված լրտեսության մեղադրանքը` կիրառելով բռնության և ճնշման մեթոդները:
«Փաստորեն այն, ինչի մասին նշվում էր Էռնեստ Վարդանյանի հայտարարության մեջ, ակնհայտ է դառնում»,- նշում են լրագրողի հարազատները: Նրանք խնդրում են ՌԴ, ինչպես նաև բոլոր երկրների ղեկավարներին, փաստաբաններին, լրագրողական կազմակերպություններին միջամտել Է. Վարդանյանի նկատմամբ մերձդնեստրյան իշխանությունների հաշվեհարդարին: «Մենք վստահորեն պնդում ենք, որ Էռնեստի նկատմամբ հարուցված գործը քաղաքական պատվեր է, իսկ ինքը` ինտրիգների զոհ»,-նշում են լրագրողի հարազատները:
Նրանք նաև մտավախություն են հայտնում, որ հարցաքննությունների ժամանակ կիրառված մեթոդները Է. Վարդանյանի կյանքի համար վտանգավոր են: Մինչ օրս նրան զրկում են փաստաբան ընտրելու հնարավորությունից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել