Երեկ, ժամը 17.05-ին Արարատի մարզից ստացված ահազանգի համաձայն` Արտաշատի ջրանցքի Վեդու հատվածում ջուրն ափերից դուրս է եկել եւ լցվել հողատարածքները: Դեպքի մասին տեղեկացվել են մարզային փրկարարական վարչությունը,

մարզի ջուրօգտագործողների ընկերությունը, ինչպես նաեւ Երեւանյան լճի և «Հրազդան-կասկադի» հերթապահները: Արարատի մարզի ջուրօգտագործողների ընկերության աշխատակիցների կողմից ջրի մի մասը ջրանցքից բաց է թողնվել հարակից ոռոգման ցանց: Ինչպես տեղեկացնում է ԱԻՆ լրատվական կենտրոնը, ժամը 22.35-ի դրությամբ` նշված հատվածում ջրի մակարդակն իջել է 10 սմ-ով, եւ սպասվում է մակարդակի հետագա անկում: