Մայիսի 13-ին, ժամը 17.30-ին Գեղարքունիքի մարզի Ճամբարակի հիվանդանոցից տեղեկություն է ստացվել, որ Արտանիշ գյուղին հարակից տարածքում դիակ կա, եւ այն դուրս բերելու համար անհրաժեշտ է փրկարարների օգնությունը: Ժամը 17.35-ին 1-03 ծառայության աշխատակիցների հետ դեպքի վայր է մեկնել Ճամբարակի հրշեջ փրկարարական ջոկատի պետը: Արտանիշ գյուղին հարակից սարում հայտնաբերվել է նույն գյուղի բնակիչ, 1996 թ. ծնված Սուրեն Գաբրիելյանի դին: Ըստ բժշկի` Գաբրիելյանը զոհվել է կայծակնահարումից: Այս մասին հայտնում են «Արտակարգ ալիք» լրատվական կենտրոնից