Մայիսի 16-ին` ժամը 19:36-ին, անձը չպարզված քաղաքացուց ահազանգ է ստացվել, որ Երևանի Տիգրան Մեծի պողոտայի 76-րդ շենքի 2-րդ հարկից մի երիտասարդ է փորձում նետվել: Դեպքի վայր են մեկնել հատուկ փրկարարական ջոկատի հերթապահ խումբը և մեկ մարտական հաշվարկ: Դեպքի մասին տեղյակ են պահվել «1-02» և «1-03» ծառայությունների հերթապահները: Ժամը 20:17-ին փրկարարների ուժերով կանխվել է 1988 թ. ծնված Գ. Տոնոյանի ինքնասպանության փորձը: Այս մասին հայտնում է ՀՀ Արտակարգ իրավիճակների նախարարության «Արտակարգ ալիք» լրատվական կենտրոնը: