Այսօր առավոտյան` ժամը 9:30-ի սահմաններում, BMW մակնիշի 21 ՏՕ 691 համարանիշի ավտոմեքենայի վարորդը Թբիլիսյան խճուղում, գերազանցելով արագությունը, դուրս է եկել  հանդիպակաց գոտի, կորցրել  մեքենայի ղեկավարումը եւ շրջվել: Վթարի վայրում գտնվող ֆոտոլրագրող Գագիկ Շամշյանը տեղեկացրեց, որ վթարի արդյունքում և անչափահաս ուղևորը ստացել են տարբեր աստիճանի մարմնական վնասվածքներ: Վարորդը տեղափոխվել է Միքայելյանի հիվանդանոց, իսկ անչափահաս ուղևորը` երրորդ մանկական հիվանդանոց: Մեր տեղեկություններով` մեքենան գրանցված է Արարատի մարզի Մարմարաշեն գյուղի բնակիչ Շահեն Մարկոսյանի անվամբ: Վթարի վայրում հավաքված մի քանի քաղաքացիներ հայտնել են, որ մեքենան զարդարված էր փուչիկներով և ժապավեններով: Հավանաբար` վերջին մասնակիցներից են եղել: Վթարի առթիվ Ճանապարհային ոստիկանության քննչական բաժնում հարուցվել է քրեական գործ: Լուսանկարները` Գագիկ Շամշյանի