«Քաջարանի մշակույթի տան գլխին ինչ օյին ասես՝ չի եկել: Տնօրեն են նշանակել էլ լեռնային ինժեներ, էլ ծանրամարտիկ: Հիմա էլ Քաջարանի պղնձամոլիբդենային կոմբինատի տնօրեն Մաքսիմ Հակոբյանի կողմից այդ պաշտոնին է նշանակվել թոշակի անցած նախկին միլպետ, վերջին 2,5 տարին գործազուրկ Դավիթ Գեւորգյանը:

Չնայած քաջարանցիներն ասում են, որ միլպետը շատ զարգացած է, բայց անհասկանալի է, թե Մոսկվայի ոստիկանական դպրոցն ավարտած Գեւորգյանն ինչ կապ ունի մշակույթի հետ: 

Մեկ այլ զարմանահրաշ նշանակում է կատարել Քաջարանի քաղաքապետ Վարդան Գեւորգյանը. քաղաքապետարանի մշակույթի բաժնի պետ է նշանակել իր մորաքրոջ թոռանը, ով նախկինում եղել է կոմբինատի հեռախոսավարուհիներից մեկը:

Թվում է, թե այս քաղաքում աշխատում են վերջնականապես թաղել Քաջարանի մշակույթը: