Հարցազրույց «Ազգաին խորհուրդ» բլոկի` Կաջոյի ընտրատարածքում մեծամասնական ընտրակարգով պատգամավորության թեկնածու, Ջավախք ժողովրդական շարժման նախագահ Նորիկ Կարապետյանի հետ Ի՞նչու դուք ընդգրկվեցիք  «Ազգային խորհուրդ» բլոկի մեջ: Ուրիշ հնարավորություն չկար: Եթե նախկինում կար նախաձեռնող խմբի կողմից առաջադրվելու հնարավորություն, իսկ հիմա միայն հնարավոր է առաջադրվել Վրաստանում գրանցված կուսակցությունների կողմից : Պատգամավոր դառնալը նպատակ չէ այլ միջոց,  որպեսզի բարձրացվեն ջավախքցիներին հուզող թաղաթական, սոցիալ-տնտեսական, կրթամշակութային եւ այլ հարցեր եւ հարցերին անդրադառնալ եւ ինչ որ չափով հարցերը լուծել: Դա միայն միջոց է: Իսկ իշխանավորների նպատակն է պահել իշխանությունը, որպեսզի նրանք նորից դառնան իշխանավոր:Դրա համար նրանք գնում են ամեն քայլի: Հիմնական  պայքարը ո՞ր կուսակցությունների միջեւ է ընթանում : Հիմնական պայքարը անհատների միջեւ չէ: Թեկնածուն այստեղ կարեւոր չէ: Ես նույնիսկ կասեի, որ  թեկնածուն իր թեկնածությունը ստիպողական է դրել: Ազգային անվտանգության ծառայությունը ստիպել է այդ մարդուն, որպեսի նա դնի իր թեկնածությունը: Այսօր պայքարը ոչ թէ անհատների միջեւ է`  այլ ժողովրդի կարծիքը արտահայտելու, ժողովրդի  հիմնախնդիրները լուծելու  եւ այդ ծրագրերը մշակելու համար: Պայքար է մարդկանց, Սամցխե Ջավախքի հայկական հասարակական կազմակերպությունների եւ  անվտանգության ծառայության մեջեւ է: Ի՞նչ  ադմինիստրատիվ ռեսուրսներից եք օգտվում: Իշխող կուսակցությունն այսօր օգտագործում է լրիվությամբ բոլոր  ադմինիստրատիվ ռեսուրսները, որպեսզի հասնեն  իրենց նպատակին: Օրինակ` անվտանգության ծառայությունը, ոստիկանությունը, ռեսուրս-կենտրոնը քարոզարշավ է կազմակերպում: Անգամ մանկավարժներին վախեցնում են աշխատանքից ազատել, եթե չքվեարկեն ի օգուտ 5 համարի: Բայց, չէ որ դա պետք է իրականացվի արհմիության որոշումով: «Ազգային  խորհուրդ»  բլոկի  անդամների վրա արդյոք գործադրվում են ճնշումներ, թե՞ ոչ: Օրինակ իմ  ընրտրատարածքում գրանցված էր Քերոբյան Գառնիկը: Նրան կանչել էին անվտանգության ծառայություն: Այդ մասին մենք իմացել ենք նրա հարազատներից: Բացի դրանից, ամեն կողմից զանգել եին նրա բարեկամները, թե` հանիր թեկնածությունդ, թե չէ քեզ կա'մ կզորակոչեն բանակ, կա'մ էլ քո վրա քրեական գործ կհարուցեն: Հաջորդը Արագվայի ընտրատարածքից թեկնածուին մանդատը տալու ժամանակ եղբոր որդու վրա, ով հանձնաժողովի անդամ է, ճնշում էին գործադրել, եւ նա իր հորեղբոր տեղը ստորագրել է այն փաստաթուղթը, որով հրաժարվում է մասնակցությունից: Խոսքս Ստամբոլցյան Ռուբիկի մասին է:  Իսկ նա չի կարող բողոքել, քանի որ  իր եղբոր որդին է: Ինչպես նաեւ հսկայական ճնշում է գործադրվում Դեմուրչյան Նազելու վրա նրա քրոջ միջոցով, ով ուսուցիչ է աշխատում: Վրացազգի մի թեկնածու ունեինք Չունչխայում: Նրան ասել էին, թե դու ոնց ես դրանց հետ համագործակցում դու վրացի ես  եւ դավաճանում ես վրացի ազգը: Ի՞նչ  արգելքների եք հանդիպել ձեր քարոզարշավի  ընթացքում: Մեր քարոզարշավների ժամանակ հիմնկանանում գյուղերում ենք լինում, ուր խանգարում են գյուղապետները: Անպոչ գտալի նման մեջ են ընկնում: Ի՞նչ իրավունք ունի գյուղապետը գալու քարոզարշավին եւ հայտարարություններ անելու: Երկու օր առաջ Կարտիկամ գյուղի գյուղապետը բացահայտ հայտարարում էր, որ ժողովուրդը պետք է ձայնը տա 5 համարին: Նույնը անում էր նաեւ Ազարվեթի, Ագանայի գյուղապետը: Ի՞նչ իրավունք ունեն գործադիր մարմին ներկայացնող անձը մասնակցելու քարոզարշավին: Ես Կարտիկամ գյուղի գյուղապետին բացատրեցի, որ նա իրավունք չունի քարոզարշավ տանելու: Թե քարոզարշավ է ուզում անի, ապա պետք է ազատվի աշխատանքից: Ի՞նչ  խախտումներ եք հանդիպել Ախալքալաքում Խորհուրդ կտայի երեկոյան Ազգային անվտանգության «կապույտ» շենքշի մոտերքը լինել: Ու կտեսնեք թէ ինչքան մարդ են «հրավիրվում» այնտեղ: