Համաձայն ֆրանսիական  jeanmarcmorandini.com կայքի, որը մասնագիտացած է հեռուստատեսության վերաբերյալ տեղեկություններ տարածելով, գործարար Օմար Հարֆուշը ( Omar Harfouch)` լիբանանյան ծագումով ֆրանսիցին, պատմել է, որ Ադրբեջանը ճնշում է «Եվրատեսիլ» երգի մրցույթի ժյուրիի անդամներին և գումար է հատկացրել դեսպանատներին, որպեսզի քվեարկեն Ադրբեջանի օգտին: Նույն աղբյուրը նշել է, որ այն անձը, ով պատմել է իրեն այդ մասին, տեղեկացրել է, որ այդ գումարը կազմում է մոտ 20 մլն դոլար: Ժան Էքյանը տեղեկացնում է, որ եթե այս տեղեկությունները հաստատվեն, և Ադրբեջանի ներկայացուցիչը հաղթող ճանաչվի, ապա ադրբեջանցիներին լուրջ սկանդալ է սպասվում: