Արմավիրի մարզային փրկարարական վարչությունից ստացված տեղեկության համաձայն` մայիսի 27-ի ժամը 23:47-ի դրությամբ վիճակը համեմատաբար կայուն է Արաքս գետի Ջանֆիդա-Գետաշեն հատվածում: Մայիսի 28-31-ը շարունակվել են հատվածի ափապաշտպան պատնեշի ամրացման աշխատանքները: Դեպքի վայրում են եղել մարզային փրկարարական վարչության պետը, հրահանգիչներ փրկարարներ: Դեպքի վայր են ժամանել նաև Արմավիրի մարզպետ Ա.Ղահրամանյանը, ՀՀ գյուղատնտեսության փոխնախարարը և իրավասու այլ անձինք: Այս մասին հայտնում է ՀՀ Արտակարգ իրավիճակների նախարարության «Արտակարգ ալիք» լրատվական կենտրոնը: