Տեսանյութեր
Լուսանկարներ
«Ջրհեղեղ» Դավիթ Անհաղթ փողոցում
Երեկ տեղացած ուժեղ անձրևի հետևանքով Քանաքեռ-Զեյթուն վարչական շրջանի Դավիթ Անհաղթի փողոցում Ալմաստի գործարանից դեպի Ավան տանող ճանապարհահատվածը 6-7 ժամ անանցանելի էր:
Պատճառը անձրևի հետևանքով առաջացած «ջրհեղեղն էր»: Դեպքի վայրից ֆոտոլրագրող Գագիկ Շամշյանը մեզ տեղեկացրեց, որ առաջացել են ավտոմեքենաների հսկայական խցանումներ: Ջուրն այնքան է բարձրացել, որ հասել է որոշ ավտոմեքենաների դռներին ու մարտկոցներին, ինչի հետևանքով որոշ մեքենաներ փչացել են:
Երևանի քաղաքապետ Գագիկ Բեգլարյանը բազմիցս ասել է, թե Երևան քաղաքում բոլոր ջրահեռացման խողովակները մաքրված են, և հնարավոր չէ, որ անձրևների հետևանքով նման իրավիճակներ ստեղծվեն:
Լուսանկարները` Գագիկ Շամշյանի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել