Քիչ առաջ ՀՀ կրթության և գիտության նախարարության պաշտոնական կայքում հրապարակված տեղեկատվության համաձայն` Նուբարաշենի թիվ 11 հատուկ դպրոցի տնօրենը ազատվել է աշխատանքից: Ղեկավարվելով ՀՀ աշխատանքային օրենսգրքի 113-րդ հոդվածի 1-ին մասի 7-րդ կետով, 123-րդ հոդվածի 2-րդ մասով` ՀՀ կրթության և գիտության նախարար Արմեն Աշոտյանն այսօր հրաման է ստորագրել «Երևանի մտավոր թերզարգացում ունեցող երեխաների թիվ 11 հատուկ դպրոց» պետական ոչ առևտրային կազմակերպության տնօրենի պաշտոնում Մերուժան Ենգիբարյանի լիազորությունները դադարեցնելու մասին: