Վահան Հովհաննիսյանը նախազգուշացնում է Սերժ Սարգսյանին
Եվրոպայի խորհրդարանի ընդունած թիվ 2216 բանաձեւում, բացի ազատագրված տարածքներից հայկական ուժերի դուրսբերման պահանջից, Վահան Հովհաննիսյանը եւս 2 մտահոգիչ կետեր է առանձնացրել: Առաջարկվում է Մինսկի խմբի համանախագահ Ֆրանսիայի մանդատը փոխարինել Եվրամիության մանդատով: Ըստ Վահան Հովհաննիսյանի` սա կարող է հանգեցնել նրան, որ ԵՄ անդամ երկրները հետագայում ռոտացիոն սկզբունքով կզբաղեցնեն համանախագահի մանդատը:
«Մամուլի ասուլիս հավաքելու հիմնական նպատակն է նախազգուշացնել հատկապես նախագահին, որ հիմա է պետք ջանքեր գործադրել` թույլ չտալու, որ այս բանը տեղի ունենա»,- լրագրողների հետ հանդիպման ժամանակ ասաց Վահան Հովհաննիսյանը:
Նրան մտահոգող երկրորդ խնդիրն այն է, որ «խոստագույն ռեկոմենդացիա է տրվում` ստեղծելու Սեւծովյան միություն»: «Եթե ստեղծվում է Սեւծովյան միություն, այնտեղի հիմնական տոն տվող երկրները կլինեն Ռուսաստանն ու Թուրքիան: Ես փորձելու եմ մեր իշխանություններին համոզել, որ ոչ մի դեպքում չմասնակցեն այս միությանը, եթե այն ստեղծվի»,- ասաց դաշնակցական պատգամավորը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել