Ամփոփվեցին «Կենգուրուի» արդյունքները
Երեխաների միջազգային օրվա կապակցությամբ Արագածոտնի մարզային ծրագրում ներառվել է նաեւ մաթեմատիկայի «Կենգուրու» միջազգային մրցույթի հաղթողներին պարգեւատրելու արարողությունը: Մարզից այս տարի մրցույթին մասնակցել են 3-11-րդ դասարաններում սովորող 1840 աշակերտներ: Նրանցից 59-ը արժանացել է «Լավագույն» եւ «Հատուկ» մրցանակների: Մրցանակաբաշխությունը տեղի է ունեցել Թալինի թիվ 1 եւ թիվ 2 դպրոցներում:
Հաղթող երեխաներին վկայականներից բացի հանձնվել է նաեւ նվերների փաթեթ: Տոկոսային հարաբերությամբ, մարզում լավագույնն է ճանաչվել Դաշտադեմ համայնքի դպրոցը, իսկ մրցույթին ամենամեծ թվով աշակերտներ մասնակցել են Արտենիի թիվ 1 դպրոցից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել