Տեսանյութեր
Լուսանկարներ
Առողջացած երեխաները հանդիպեցին քաղցկեղ ունեցող երեխաներին
Այսօր «Մոսկովյան» սրճարանում քաղցկեղով երեխաների համար միջոցառում էին կազմակերպել մի խումբ երիտասարդ ակտիվիստներ, որի ընթացքում նախկինում քաղցկեղ ունեցող, ներկայումս առողջացած պատանիները նվերներ հանձնեցին փոքրիկներին: Առողջացած երեխաների ներկայությունը փոքրիկներին հույս էր տալիս, թե մի օր իրենք էլ կբուժվեն:
Երեխաները մի քանի ժամով մոռացել էին իրենց հիվադնության մասին եւ կազմակերպիչների հետ միասին նկարում ու խաղում էին:
Միջոցառումը կազմակերպած երիտասարդները երեխաներին նոր հեռուստացույց նվիրեցին. «Նախորդ անգամ մենք ձեր խաղասենյակում էինք եւ նկատեցինք, որ ձեր հեռուստացույցը լավ չի աշխատում, այդ պատճառով էլ որոշեցինք քաղաքացիների կողմից ձեզ հեռուստացույց նվիրել»,- հայտարարեց ուսանող Էլեն Արզումանյանը:
Երիտասարդները 3 օր շարունակ Երեւանի կենտրոնում դրամահավաք էին անցկացրել, որի արդյունքում ստացված գումարով էլ գնել էին հեռուստացույցը: Այն կտեղադրվի Ուռուցքաբանության ազգային կենտրոնի Մանկական ուռուցքաբանության եւ քիմիաթերապիայի բաժանմունքի խաղասենյակում, որտեղ հաճախ են լինում ստացիոնար բուժում ստացող երեխաները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել