Արցախի Հանրապետության նախագահ Բակո Սահակյանն այսօր ստորագրել է հրամանագիր Բենիկ Բաբայանին Արցախի Հանրապետության տնտեսական զարգացման նախարարի պաշտոնից ազատելու մասին` իր դիմումի համաձայն: Նախագահի մեկ այլ հրամանագրով Արցախի Հանրապետության տնտեսական զարգացման նախարար է նշանակվել Կարեն Եսայանը: ԿԱՐԵՆ ՕԼԵԳԻ ԵՍԱՅԱՆ Կենսագրական տվյալներ Ծնվել է 1976թ. սեպտեմբերի 9-ին, Ստեփանակերտում: 1993թ. ավարտել է Ստեփանակերտի թիվ 10 միջնակարգ դպրոցը: 1993-1994թթ. ծառայել  է ԼՂՀ պաշտպանության բանակի շարքերում: 1998թ. գերազանցությամբ ավարտել է Արցախի պետական համալսարանի տնտեսագիտական ֆակուլտետի «Ֆինանսներ եւ վարկ» բաժինը: 1995թ. ընդունվել է աշխատանքի ԼՂՀ Պետական սեփականության ապապետականացման եւ հաշվառման վարչության գնահատման բաժնում` որպես առաջին կարգի տնտեսագետ: 1998թ. սեպտեմբերի 28-ին նշանակվել է «Գրիգոր Մագիստրոս» ոչ պետական համալսարանի տնօրեն: 1999թ. հունիսի 1-ին նշանակվել է ԼՂՀ հարկային պետական վարչության մեթոդաբանության եւ տեղեկատվության բաժնի պետ: 1999թ. հուլիսի 13-ին նշանակվել է ԼՂՀ հարկային պետական ծառայության պետի տեղակալ: 2003թ. ապրիլի 17-ից ստանձնել է «Արջ» ՓԲԸ գործադիր տնօրենի պաշտոնը: 2007թ. մարտի 16-ին նշանակվել է ԼՂՀ Նախագահի աշխատակազմի տնտեսագիտական վարչության պետի պաշտոնակատար: 2007թ. հոկտեմբերի 2-ից զբաղեցրել է Արցախի ներդրումային հիմնադրամի գլխավոր տնօրենի պաշտոնը: Ամուսանցած է, ունի 3 երեխա: