Երեկ` կեսգիշերին մոտ, 1978 թ. ծնված Արթուր Մ.-ն «ԳԱԶ-24» մակնիշի ավտոմեքենայով Մեծամոր-Երևան ճանապարհի 3-րդ կմ-ին վրաերթի է ենթարկել Մեծամորի բնակիչ, 1973 թ. ծնված Արսեն Մարտիրոսյանին, որը մարմնական վնասվածքներով տեղափոխվել է Երևանի «Էրեբունի» բժշկական կենտրոն: Վրաերթից ժամեր անց հիվանդանոցում Արսեն Մարտիրոսյանը մահացել է: Կատարվում է նախաքննություն: Այս մասին տեղեկացնում է ոստիկանության մամուլի ծառայությունը: