Համակարգչային գերհսկաների պատերազմին Microsoft-ը նոր մարտավարություն է մշակել: Որոշվել է Windows 7 օպերացիոն համակարգը միացնել ինտերնետին, ինչի շնորհիվ այս ամառվանից սկսած ինտերնետ ծառայություններից օգտվողները հնարավորություն կստանան առանց բրաուզերների օգնության մտնել ինտերնետ: Ըստ օպերացիոն համակարգը մշակողների, օգտվողները կխուսափեն անցանկալի գովազդից, ինչից ապահովված չեն բրաուզերները: Ըստ երեւույթին, Microsoft-ն այս մարտավարությունը մշակել է սրընթաց անկում ապրող Internet Explorer բրաուզերի բացը լրացնելու եւ տեղեկատվական տեխնոլոգիաների գերհսկաների պատերազմին իր դիրքերը ամրացնելու համար: