Արագածոտնի մարզկենտրոն Աշտարակ քաղաքում երեկ կայացավ ՀՀ նախագահի մրցանակի համար մրցույթի մարզային փուլը: Այս տարի մրցույթի մասնակիցների թիվը նախորդ տարիների հետ համեմատ գրեթե կրկնակի ավել էր` 16 ընտանիք: Նրանք ներկայացնում էին Ապարան, Աշտարակ եւ Թալին քաղաքները, ինչպես նաեւ Կարբի, Փարպի, Օշական, Կոշ, Նոր Ամանոս, Թաթուլ գյուղերը: Ընտանիքներն իրենց ուժերը չափեցին 6 մրցաձեւերում` թեթեւ աթլետիկայից, փոխանցումավազքից, թենիսի եւ բասկետբոլի գնդակների նետումից, հեռացատկից, պարանի ձգումից : Մրցույթը նախատեսված էր 2 տարիքային խմբերի համար, որոնցում երեխաների տարիքը պետք է լիներ 6-9 եւ 10-13 տարեկան: Ընդհանուր հաշվարկով,  ըստ տարիքային խմբերի, առաջին տեղերը գրավեցին Ապարան քաղաքի բնակիչներ Վարդան Աբրահամյանի եւ Խաչիկ Պետրոսյանի ընտանիքները: Երկրորդ մրցանակների արժանացան  Թալին քաղաքը ներկայացնող Համլետ Հակոբյանի եւ Ռոբերտ Համբարձումյանի, իսկ երրորդին` Մխիթար Հայրապետյանի եւ Թալինից Վարազդատ Նիկոյանի ընտանիքները` Կարբիից: Հաղթողները իրավունք ստացան  հուլիս ամսին մասնակցելու Ծաղկաձորում կայանալիք հանրապետական մրցույթին: